Desa Banjarasem

Kecamatan Seririt
Kabupaten Buleleng
Provinsi Bali

Jl. Singaraja'Gilimanuk, 81153

Sampun Kalaksanayang Pangukuhan Bendesa Lan Prajuru Adat Kalanganyar.

26 Oktober 2020 08:37:39 WITA

Redite wage (25/10), kalaksanayang pangukuhan Bandesa lan Prajuru Adat Kalanganyar ring Wantilan Pura Desa Kalanganyar. Acara puniki kakawitin antuk sasolahan tari Puspanjali. Raris kalanturang antuk sambrama wacana saking manggala prawartaka. “Nenten sakadi sane dumun, Ngadegang Bandesa Adat Kalanganyar warsa niki kalaksanayang antuk paruman nganutin Perda Provinsi Bali nomor 4 warsa 2019.” Punika atur manggala prawartaka ri kala ngaturang sambrama wacana.

Ngambil sumpah nglaksanayang swadarma anut ring awig-awig, Jro Gede Wijana kakukuhang dados Bandesa, ring acara punika taler kakukuhang prajuru adat olih Bandesa Madya Kabupaten Buleleng.

Acara pangukuhan puniki kasaksinin olih Para Jro Mangku Kahyangan Desa Adat Kalanganyar, Bandesa lan Panyarikan Majelis Madya Kabupaten Buleleng, Majelis Alit Kecamatan Seririt, Camat Seririt, Perbekel Desa Banjarasem, Babinkabtibnas, babinsa, para Bandesa Adat ring wawidangan Kecamatan Seririt, miwah prajuru Desa. Acara mamargi antar sampun nganutin protokol covid 19.